الشروط والأحكام

الخدمة

كافيو منصة عمل سحابية فيها:

• QAVIO Workspace: بوابة شغل الشركة، المهام والمشاريع والحضور والطلبات والمبيعات والمحادثات.
• QAVIO Accounts: الفواتير والمحاسبة.
• QAVIO Meet: اجتماعات فيديو مجانية.

المزايا المتاحة تختلف حسب الباقة، وتفاصيلها في صفحة الأسعار.

حسابك

• الشركة مسؤولة عن حسابات موظفيها وصلاحياتهم، وعن صحة البيانات اللي تدخلها.
• حافظ على سرية كلمة المرور، وبلغنا فوراً إذا شكيت إن أحد دخل حسابك.
• أي عملية تتم من حسابك محسوبة عليك.

التجربة المجانية

كل باقة تبدأ بشهر مجاني (30 يوم). بعد ما تنتهي التجربة لازم تدفع عشان تكمل، وإذا ما دفعت يتوقف الوصول للبوابة وتبقى بياناتك محفوظة حسب سياسة الخصوصية.

الأسعار والدفع

• الأسعار بالريال السعودي وقبل ضريبة القيمة المضافة ١٥٪، وهي المعروضة في صفحة الأسعار وقت اشتراكك.
• الدفع شهري أو سنوي، والسنوي تدفع فيه 10 شهور عن ١٢. الدفع مقدم عن الفترة الجاية.
• الاشتراك يتجدد تلقائياً على البطاقة المحفوظة في بداية كل فترة، لين تلغيه.
• أي مستخدم فوق حد الباقة عليه 11 ر.س في الشهر.
• ربط واتساب للأعمال (WhatsApp Business API) عليه رسوم منفصلة برا سعر الباقة.
• إذا غيّرنا الأسعار نبلغك قبلها بـ ٣٠ يوم على الأقل، والسعر الجديد يطبق من التجديد اللي بعده.
• إذا فشل التجديد نبلغك، وممكن نوقف الوصول لين يكتمل الدفع.

الإلغاء والاسترداد

تقدر تلغي اشتراكك في أي وقت. الإلغاء يوقف التجديد الجاي، والخدمة تستمر لين نهاية الفترة اللي دفعتها. ما نسترد مبالغ عن الجزء المتبقي من فترة مدفوعة، إلا إذا كان فيه خطأ منا في الخصم أو إذا ألزمنا النظام بذلك.

بياناتك

بيانات شركتك ملك لشركتك. نستخدمها بس عشان نقدم الخدمة، ونتعامل معها حسب سياسة الخصوصية. وتقدر تطلب نسخة منها في أي وقت.

الاستخدام المقبول

توافق إنك ما تستخدم كافيو في:

• أي شي مخالف لأنظمة المملكة، أو محتوى مسيء أو ينتهك حقوق غيرك.
• رسائل دعائية مزعجة أو رسائل لأشخاص ما وافقوا يستقبلونها، بما فيها الواتساب، مع الالتزام بسياسات Meta.
• محاولة اختراق المنصة أو تعطيلها أو الوصول لبيانات شركات ثانية.
• نسخ المنصة أو تفكيكها أو إعادة بيعها بدون موافقة مكتوبة منا.

الفواتير الضريبية

كافيو يعطيك أداة تطلع فيها فواتير ضريبية برمز هيئة الزكاة (QR). الشركة مسؤولة عن صحة بيانات فواتيرها وأسعارها وضريبتها، وعن التزامها بمتطلبات هيئة الزكاة والضريبة والجمارك.

مزايا الذكاء الاصطناعي

التفريغ النصي وملخصات الاجتماعات تنكتب آلياً وممكن يكون فيها أخطاء. راجعها قبل ما تعتمد عليها في أي قرار.

توفر الخدمة

نسعى إن المنصة تكون شغالة طول الوقت، لكن ممكن تتوقف أحياناً للصيانة أو لأسباب برا سيطرتنا. نبلغك مسبقاً بالصيانة المجدولة قدر الإمكان.

الملكية الفكرية

المنصة وتصميمها واسم كافيو وشعاره ملك لـ سيلترا. اشتراكك يعطيك حق استخدام المنصة طول مدته، وما يعطيك ملكيتها.

حدود المسؤولية

في حدود ما يسمح به النظام، ما نتحمل الأضرار غير المباشرة مثل فوات الأرباح أو ضياع فرص العمل. ومسؤوليتنا الكاملة عن أي مطالبة ما تتجاوز المبالغ اللي دفعتها لنا خلال الـ ١٢ شهر اللي قبل المطالبة.

إيقاف الحساب

ممكن نوقف الحساب أو ننهيه إذا خالفت هذي الشروط أو ما دفعت المستحقات، ونبلغك قبلها إلا إذا كانت المخالفة خطيرة أو تضر بالمنصة أو بغيرك.

تعديل الشروط

ممكن نعدّل هذي الشروط، ونحدّث تاريخ «آخر تحديث» فوق. والتعديلات الجوهرية نبلغ فيها الشركات المشتركة قبل ما تبدأ. استمرارك في الاستخدام بعدها يعني موافقتك عليها.

النظام المطبق

تخضع هذي الشروط لأنظمة المملكة العربية السعودية، وأي خلاف نحاول نحله ودياً أول، وإذا ما انحل تختص به محاكم مدينة الرياض.

تواصل معنا

• الشركة: شركة سيلترا سمارت، سجل تجاري 7055249119
• العنوان: الرياض، حي الملقا، طريق الأمير محمد بن سعد
• الجوال والواتساب: 0550098550
• الإيميل: info@syltraone.com
• الموقع: syltraone.com